Bryllup på Hoel Gård - ei magisk bryllupshelg ved Mjøsa
Updated: Mar 24
Nokre bryllupsoppdrag blir verande i hjartet for alltid. Bryllupshelga til Helle og Sondre på Hoel Gård ved Mjøsa er eitt av dei. På denne vakre herregarden omgitt av historiske bygningar og eit storslått landskap, gav dei gi kvarandre sitt ja. Sjølv om været verkeleg ville markere seg med mykje regn.
Forberedelsane på Hoel Gård
Dagen starta med forventning og spenning over heile garden. Sondre og gutane samla seg i suiten ute i hagen, medan Helle gjorde seg klar i hovudhuset saman med jentene sine.
Linn Mari Hansen frå Ateliér M Studio på Gjøvik sørga for at Helle strålte frå topp til tå, og rommet var fylt av latter og små augeblink eg fekk snike meg inn og dokumentere.
Før vielsen fekk Helle ein rørande first look med foreldra sine. Ein stille, men kjensleladd augneblink, full av kjærleik, stoltheit og nokre tårer i augekroken. Slike stundar er noko av det finaste eg veit å fotografere.
Vielse i regnet, akkurat slik dei ynskja det
Akkurat idet seremonien skulle starte i hagen på Hoel Gård, opna himmelen seg på nytt. Regnet strøymde ned, men brudeparet var fast bestemte: dei ville gifte seg ute, med hagen og Mjøsa som bakteppe.
Hoel Gård var klare. Paraplyar og regnponchoar kom fram til gjestane, og seremonien gjekk som planlagt ute i hagen, akkurat slik Helle og Sondre hadde drøymt om.
Mingling og talar
Etter den våte, men utruleg vakre vielsen, fekk vi akkurat nok opplett til å samle alle til eit stort fellesbilete ute på trappa. Deretter flytta vi oss inn i dei lune og stemningsfulle lokala på Hoel Gård for å halde fram feiringa.
Kjærleik og glede fylte lufta heile dagen. Utover kvelden kom dei rørande talane på rekke og rad. Det var knapt eit tørt auge i rommet, inkludert mine eigne.
Kveldslys, parbilete og fest for historiebøkene
Då kvelden kom letta regnet endeleg litt, og vi nytta sjansen til å ta fleire parbilete ute i det mjuke kveldslyset ved Hoel Gård. Det er noko heilt eige med å få ein liten pause ute saman berre brudeparet og eg, etter ein dag full av mykje inntrykk.
Med champagne-tårn, musikk og dans var festen for alvor i gong. Ein kveld for historiebøkene og ein bryllupsdag som vil leve vidare både i minna og i bileta vi skapte saman.
Vil de ha bryllupsfotograf til bryllup på Hoel Gård?
Planlegg de bryllup på Hoel Gård eller på ein stad i Norge?
Eg er bryllupsfotograf med base i Drammen og Sogn og Fjordane. Eg reiser dit kjærleiken dykkar tek dykk, også til Hoel Gård der eg har vore fleire gonger før.
Dersom de drøymer om ei bryllupshelg med historiske omgjevnader, natur og ei avslappa stemning, blir eg gjerne med for å dokumentere historia dykkar.
Ta gjerne kontakt for å høyre om eg er ledig på datoen dykkar.
Comments